ÖRUGG verkfræðistofa sér um brunahönnun Grænna iðngarða sem rísa nú í Helguvík á Reykjanesi. Mannvirkin sem um ræðir áttu upphaflega að hýsa álver en hafa staðið auð og ónotuð um árabil. Húsnæðið er um 28.000 m² og þar er gert ráð fyrir ýmiskonar starfsemi bæði stærri og smærri fyrirtækja í rannsóknum og þróun, framleiðslu, ylrækt eða eldi sem dæmi.

Í brunahönnun þarf að tryggja að öryggi fólks, eigna og rekstrar sé eins og best verður ákosið. Á sama tíma þarf að tryggja að auðvelt sé að aðlaga húsnæðið að mismunandi starfsemi, þ.a. öryggi sé ávallt tryggt en jafnframt þarf að vera auðvelt að skipta mannvirkjunum upp í stærri og smærri einingar og setja þar inn ólíka starfsemi sem fela í sér mismunandi brunahættu. Verður þar m.a. notast við nýjustu aðferðir og hugbúnað til greiningar á reykflæði og hitastigi í bruna auk greiningar á brunamótstöðu burðarvirkja.

Hér að neðan má sjá dæmi um niðurstöðu útreikninga á hitastigi í stálvirki, til bestunar á eldvörn.

‍

‍

THG sjá um arkitektahönnun verkefnisins. Hægt er að kynna sér starfsemi Grænna iðngarða nánar á heimasíðu þeirra hér: www.icelandecobusinesspark.is

‍

‍

‍