ÖRUGG verkfræðistofa byggir á yfir 70 ára reynslu í brunahönnun og brunatæknilegri greiningu á Íslandi og á Norðurlöndum. Brunahönnun hundraða stórra og minni bygginga með fjölbreytta starfsemi.

ÖRUGG verkfræðistofa byggir á áratuga reynslu í viðbragðsmálum fyrir fyrirtæki, stofnanir og félagasamtök. Gerðar hafa verið fjölmargar rýmingar- og viðbragðsáætlanir, sem taka tillit til starfsemi, þekkingar fólks og aðstæðna.

Starfsmaður ÖRUGG verkfræðistofu hefur séð um rýmingar- og viðbragðsmál fyrir nær alla stórtónleika sem haldnir hafa verið á Íslandi á síðari árum; Ed Sheeran, Justin Bieber, Metallica, Guns N´ Roses, Justin Timberlake, Rammstein og fjölmarga fleiri minni viðburði. Hönnun öryggis fyrir tónleika byggir á víðtækri þekkingu á bruna- og öryggismálum, viðbragðsáætlunum og áhættustjórnun.

Meðvindgreingu er hægt að skapa skjólgóð svæði og fyrirbyggja óþægilegar vindaðstæður í nágrenni bygginga. ÖRUGG hermir vind með tölulegum straumfræðilíkönum (CFD) og metur áhrifa bygginga á staðbundið vindafar með þvíað útbúa notkunarkort sem sýnir hentugar athafnir fólks fyrir hvert svæði m.v. vindaðstæður.

Áhættugreining og mat liggur til grundvallar margs konar hönnun þar sem tryggja þarf öryggi fólks, fyrirtækja og starfsemi. ÖRUGG verkfræðistofa hefur mikla reynslu í áhættugreiningu og hefur til þess margvíslegan hugbúnað fyrir bæði tölulega og huglæga greiningu.

Með vinnu samkvæmt BIM aðferðarfræði verður öll samræming hönnunargagna markvissari. Framsetning brunavarna í BIM umhverfi stuðlar að bættu upplýsingaflæði til annara fagsviða og upplýstri ákvarðanatöku.

Með því að innleiða og starfrækja sterka stjórnun á heilbrigðis- og öryggismálum starfsmanna er hægt að minnka eða eyða áhættu þeim tengdum og ná fjárhagslegum ávinningi og betri ímynd.

Starfsmenn ÖRUGG verkfræðistofu hafa komið að rannsóknum tengdum brunatækni, áhættu- og öryggisgreiningu í fjölmörgum innlendum og alþjóðlegum rannsóknarverkefnum.